ہیلو، امید ہے آپ آج خیریت سے ہوں گے- ١٢ میں سے ٣ سبق میں خوش آمدید- ہمارے پچھلے سبق میں، آپ نے اپنی خود اعتمادی دوبارہ سے حاصل کرنے کے طریقے سیکھے تھے- اس سبق میں ، ہم آپ کو آپ کے پارٹنر کے روّیے میں بدلاؤ پہچاننے میں مدد کریں گے-

شروع شروع میں، ہم میں سے کچھ لوگ "تشدّد" کا الفاظ سننے میں اچھا محسوس نہیں کرتے، خاص طور پہ جب وہ ہمارے چاہنے والوں کے ساتھ استعمال ہو تو- ہم اکثر اپنے آپ سے پوچھتے ہیں، " کیا میں ایک تشدّد زدہ رشتے میں ہوں؟" اور ہمیشہ، "نہیں... ایسا نہیں ہو سکتا" کے جواب ہمارے ذہن میں آتے ہیں-🤨

اگر آپ نے کبھی ایسا محسوس کیا ہو، تو کوئی بات نہیں- جب آپ کسی سے پیار کرتے ہیں اور وہ آپ کے ساتھ بدسلوکی کرتے ہیں لیکن ساتھ ساتھ وہ آپ سے یہ بھی کہتے رہتے ہیں کہ وہ آپ سے پیار کرتے ہیں، تو یہ آپ کو الجھا سکتا ہے-🤕

ایک لڑائی اور غلطی سے ایک دفعہ چوٹ لگنے اور اس روّیہ کا آپ کے رشتے میں ایک معمول بن جانے میں، جہاں آپ کا چاہنے والامستقل آپ سے ذہنی طور پہ کھیلے اور آپ کو تکلیف پہنچائے، اس کے درمیان فرق کرنے میں اکثر مشکل ہوتی ہے-

اسی لئے آج کے سبق میں، ہم آپ کو ان کے درمیان فرق پہچاننا سکھائیں گے-

جب آپ کو کوئی غلطی سے تکلیف پہنچائے، تو وہ ایک انجانے میں غلطی ہوتی ہے اور اگر ہو سکتا تووہ آپ کو تکلیف پہنچانے سے خود کو روکتے- مثال کے طور پہ، گاڑیوں کا آپس میں ٹکرا جانا اکثر ایک "ایکسیڈنٹ(غلطی)" کہلاتا ہے کیونکہ دونوں ڈرائیور یہ نہیں چاہتے تھے کہ ایسا ہو- اگر انہوں نے ایک دوسرے کو دیکھا ہوتا تو گاڑیوں کو ٹکرانے سے روکنے کے لئے وہ مختلف انتخاب کرتے-😧😥

لیکن، جب کوئی آپ پہ تشدّد کرتا ہے، تو وہ آپ کو جان بوجھ کہ تکلیف پہنچاتا ہے– مثال کے طور پہ، اگر کسی ڈرائیور کو سڑک پہ غصّہ آ جائے🤬 اور اس کا غصّہ اتنا زیادہ ہو کہ وہ اپنے سامنے کی گاڑی کو ٹکّر مار دے ، تو یہ ایک ایکسیڈنٹ نہیں ہے- ڈرائیور نے جان بوجھ کہ ڈرایا اور دوسری گاڑی کو ٹکّر ماری- چاہے انہیں اس کا افسوس ہو، اور وہ معافی مانگ کر کہیں "میرا ایسا ارادہ نہیں تھا"،🤥 تو اس سے اس بات کو نہیں بدلا جا سکتا کہ وہ کنٹرول میں تھا اور چاہتا تو دوسرے انسان کو تکلیف پہنچانے سے خود کو روک سکتا تھا- ایک پولیس والا اسے ایک "حادثے" کے بجائے "واقعہ " کہے گا-👮‍

گھریلو تشدّد کیا ہے اور آپ اس کو کیسے پہچان سکتے ہیں؟

گھریلو تشدّد کو ایسے بیان کیا جائے گا کہ کوئی ایک "واقعہ " یا "واقعات " کا تسلسل جب کوئی جانتے بوجھتے آپ پر قابو پانے، آپ کو دھمکانے، قصوروار ٹھہرانے، شرمندہ کرنے، نیچا دکھانے، اکیلامحسوس کروانے اورآپ کو جذباتی اور جسمانی طور پر تکلیف پہنچانے کی کوشش کرے-

جب لوگ گھریلو تشدّد کے بارے میں سوچتے ہیں، تو وہ اکثر تشدّد کی سب سے آخری حد کے بارے میں سوچتے ہیں- وہ سوچتے ہیں کہ کوئی جس پر اتنا تشدّد ہوا ہو کہ وہ ہسپتال میں داخل کروائی جائے تو وہ تشدّد ہے اور سوچتے ہیں کہ "میری حالت ایسی نہیں ہے- اتنے برے حالات بھی نہیں ہیں-"

لیکن کافی لوگ یہ نہیں جانتے کہ گھریلو تشدّد ہر قسم میں موجود ہوتا ہے- پارٹنر کا اپنی باتوں سے آپ کو شرمندہ محسوس کروانا، آپ کیا کر رہے ہیں اس پر قابو کرنا، کیا پہن رہے ہیں اور کس کے ساتھ وقت گزار رہے ہیں، آپ کو دھکّا دینا، آپ کے تمام فیصلےکرنا، آپ کو دھمکانے سے لے کر صرف آپ کو دھمکی دینا کہ اگر آپ نے ان کی بات نہ مانی یا ان کے ساتھ نہ رہے تو وہ خود کشی کرلیں گے، یہ سب گھریلو تشدّد ہے-

آج کے لئے اتنا ہی- اگلے سبق میں، ہم بات کریں گے کہ تشدّد کے اس تسلسل والے پیٹرن کو کیسے پہچاننا ہے-

یاد رکھیں: آپ یہ کر سکتے ہیں- بس ایک وقت پہ ایک قدم اٹھائیں-