ہیلو، آپ آج کیسے ہیں؟ اس کورس کے آخری سبق میں خوش آمدید- ہمارے پچھلے سبق میں ،آپ نے سیکھا تھا کہ نوکری کی آفر حاصل کرنے سے کیسے آپ اپنا اعتماد اور اپنی آزادی واپس سے حاصل کر سکتے ہیں-

آج ، ہم بات کریں گے کہ کیسے خود کو خوش کرنے کے لئے اقدام اٹھانے کی ہمّت اکھٹّی کرنی چاہئے-

آپ کے لئے ایک سوال ہے،" کیا آپ اپنے اس رشتے میں رہنا چاہیں گے؟"🤔

یہ پوچھنے کے لئے ایک بڑا سوال ہے- ایک ایسا جس کا جواب فوراً سے دینا آسان نہیں ہے- اور اگر آپ ابھی اس کا جواب ایک دم سے نہیں دے سکتے تو فکر مت کریں-

ضروری بات یہ ہے کہ، اگر کبھی ایسا کوئی دن آئے کہ آپ اپنے تشدّد زدہ رشتے کو چھوڑنا چاہیں، تو آپ میں اسے چھوڑنے کی ہمّت ہو-

بہت سے گھریلو تشدّد کے سروائیور یہ جانتے ہیں کہ وہ یہ رشتہ چھوڑنا چاہتے ہیں، لیکن ان کے اندر اس رشتے کو چھوڑنے کی ہمّت نہیں ہے-

حالانکہ وہ چاہتے ہیں کہ یہ تشدّد رک جائے اور وہ محفوظ محسوس کریں، لیکن وہ یہ نہیں جانتے کہ خود ک مزید خطرے میں لائے بغیر وہ کیسے اس رشتے کو چھوڑ دیں- کچھ لوگ اپنی آزادی کے لئے کام کر کے پیسے کمانا چاہتے ہیں، لیکن فکر کرتے ہیں کہ صحیح ہنر، تعلیم، تجربہ، یا کام کرنے کا ویزا نہ ہونے کی وجہ سے انہیں نوکری نہیں ملے گی-

جو کافی لوگ نہیں جانتے کہ آپ کا اپنے ابیوسر کو چھوڑ کے نہ جانے کی سب سے بڑی دیوار قانون یا بیک گراؤنڈ نہیں ہے- وہ دراصل وہ چیز ہے جو آپ جانتے بھی نہیں-

اپنے حقائق اور اپنے اختیارات نہ جاننا اور ان کے بارے میں جھوٹ سننا آپ کو وہ کرنے سے روک سکتا ہے جس سے آپ خود کو خوش اور محفوظ محسوس کرتے ہوں- سچ یہ ہے کہ، آپ کے پاس حقائق ہیں- چاہے آپ جہاں بھی رہتے ہوں، جو بھی ہوں اور آپ کے ابیوسر نے آپ سے جو کچھ بھی کہا ہو، آپ کے پاس حقائق ہیں-

آپ کے پاس خود کو محفوظ کرنے کا حق ہے- آپ کے پاس تشدّد نہ سہنے کا حق ہے اور آپ کے پاس خوش رہنے کا حق ہے-جو لوگ اپنے حقائق نہیں جانتے، انہیں لگتا ہے کہ وہ اپنے حالت بدلنے کے لئے کچھ نہیں کر سکتے- جو کہ اکثر سچ نہیں ہوتا-

مثال کے طور پہ، ایک سروائیور نے اپنی کہانی سنائی، "میں نہیں جانتی تھی کہ میرے پاس اس کو چھوڑنے کا آپشن ہے- جب میری شادی ہوئی، تو ہم نئے ملک چلے گئے- وہاں نہ میرے گھر والے تھے، نہ دوست اور نہ ہی ویزا تھا- اپنے شوہر کی غیر موجودگی میں مجھے اپنے گھر والوں سے بات کرنے کی اجازت نہیں تھی، مجھے اسکول جانے یا نوکری کرنے کی اجازت نہیں تھی-"

لیکن، ایک دفعہ ابیوسر نے ان کو جلا دیا اور یہ ہسپتال پہنچ گئیں- ڈاکٹرز نے ان سے اکیلے بات کرنے کا انتظام کیا-🏥

انہوں نے کہا، "میں نہیں جانتی تھی کہ ڈاکٹر اور پولیس کو اتنی فکر ہو گی- میں نہیں جانتی تھی کہ کسی کو بھی فکر ہو گی- اگر میرے پاس اس بات کا آپشن ہوتا کہ میں کسی آرگنائزیشن سے بات کر سکتی ہوں جو مجھے حفاظت سے یہاں سے نکلنے میں مدد کرے گا، تو میں یہاں سے کب کا جا چکی ہوتی- اب میں اس بات کا جشن مناتی ہوں کہ میں کتنا آگے بڑھ چکی ہوں- میں نے جب سے اپنے شوہر کو چھوڑا ہے، میں وہ سب کچھ حاصل کر چکی ہوں جو میں کرنا چاہتی تھی- مجھے خود پہ فخر ہے کیونکہ میں اب محفوظ، بےفکر اور خوش محسوس کرتی ہوں-"

کیاآپ جانتے ہیں کہ لوگ آپ کے بارے میں پروا کرتے ہیں؟ کیا آپ جانتے ہیں کہ اگر آپ لوگوں یا آرگنائزیشن سے رابطہ کریں تو وہ آپ کی مدد کریں گے؟ کیا آپ کسی سے مدد حاصل کرنا چاہتے ہیں؟

٢٠٠٠ بالغ لوگوں کے سروے سے پتا چلا ہے کہ انہیں لوگوں سے جو چیز مدد مانگنے سےروکتی ہے وہ یہ ہے کہ وہ نہیں جانتے کہ وہ کسی سے مدد مانگ سکتے ہیں- سروے میں ٨٠ % لوگ یہ نہیں جانتے تھے کہ گھریلو تشدّد کیا ہے کیونکہ انہیں لگتا تھا کہ وہ جس سے گزر رہے ہیں وہ "عام " ہے اور وہ نہیں جانتے تھے کہ وہ مدد کے لئے کس کے پاس جائیں-

آپ کا تکلیف میں رہنا ٹھیک نہیں ہے- آپ کے پاس اپنی سوچ سے زیادہ ہمّت اور اختیار ہیں-

ٹاسک: اپنے حقائق اور اختیارات کے بارے میں ریسرچ کریں- 📞

کوئی ایک ایسی آرگنائزیشن ڈھونڈھیں جو آپ کو بتا سکے کہ آپ کے حقائق اور اختیارات کیا ہیں- ہم جانتے ہیں کہ آپ کو یہ مشکل لگ سکتا ہے اگر آپ کسی کو قابل بھروسہ نہیں سمجھتے تو- جب آپ اکیلے ہوں تو ان سے بات کرنے کی ہمّت جٹائیں- یہ گفتگو آپ کو بتائے گی کہ آپ کے پاس کیا آپشن ہیں اور آپ کو ایک تشدّد زدہ رشتہ چھوڑنے کی ہمّت دے گی-

بس اتنا ہی! آپ اس کورس کے اختتام تک پہنچ گئے- مبارک ہو! یاد رکھیں کہ آپ اکیلے نہیں ہیں- آپ قیمتی ہیں- آپ اہم ہیں اور آپ یہ کر سکتے ہیں- ایک وقت میں ایک قدم –

اور ہم آپ کے لئے یہاں موجود ہیں-